Bakıda Azərbaycan, Türkiyə, Rusiya və İran rabitə nazirlərinin dördtərəfli görüşü keçiriləcək
İQNA-nın (Beynəlxalq Quran Xəbər Agentliyi) verdiyi xəbərə görə, İran İslam Respublikasının Rabitə və İnformasiya Texnologiyaları naziri Cənab Məhəmməd Cəvad Cəhromi “Bakutel 2018”- 24-cü Azərbaycan Beynəlxalq Telekommunikasiya,İnnovasiya və Yüksək Texnologiyalar Sərgi və Konfransında iştirak etmək üçün bugün Azərbaycana səfər edib.
Maide.Az xəbər verir ki, səfər çərçivəsində A.Cəhrominin "Bakutel" sərgisinə baş çəkəcəyi və "Kaspian İnnovasiya" konfransında çıxış edəcəyi gözlənilir.
Həmçinin o, Azərbaycan, Türkiyə, Rusiya və İran rabitə nazirlərinin dördtərəfli görüşündə iştirak edəcək.
Iranlı nazir həmçinin adıçəkilən ölkələrin rabitə nazirləri ilə ikitərəfli şəkildə görüşərək ikitərəfli əməkdaşlıqların inkişafı haqqında fikir mübadiləsi aparacaq.
Qeyd etmək lazımdır ki, 14 İran şirkəti 24-cü Azərbaycan Beynəlxalq Telekommunikasiya, İnnovasiya və Yüksək Texnologiyalar Sərgi və Konfransında iştirak edəcək.
