Əmirəlmöminin (ə) nəzərində hidayət yolu
İmam Əli (ə) müttəqiləri vəsf edən xütbəsində buyurur: “Onlar qulaqlarını özlərinə fayda verən elmə həsr edərdilər”. Bu cümlə qısa olsa da, mühüm mesajlar ehtiva edir; Birincisi, müdrik insanın cəfəngiyyata və insan şüuruna heç nə əlavə etməyən şeylərə qulaq asmağa haqqı yoxdur. Bu qulaq Allahın nemətlərindən bir nemət, eşitmək də Allahın lütfünlərindəndir. Nemətə şükür də ondan istifadə etməmək deyil.
Əksinə, düz yolda düzgün hərəkət etməyimiz üçün lazım olan şeylərin çoxu bizim eşitməklə əldə etdiyimiz məlumatlarımızdır. Çünki Qurani-Kərimdə oxuduğumuz kimi cəhənnəm əhli Qiyamət günü deyəcəklər: “Əgər biz dünyada (peyğəmbərlərin sözlərini) dinləsəydik və ağlın hökmünə əməl etsəydik, (bu gün) cəhənnəm əhlindən olmazdıq” (Mülk, 10). İnsanların ilahi həqiqətləri eşitməmələri üçün qulaqlarına tıxac taxdıqlarına dair çoxlu işarələr var.
Əmirəlmöminin (ə) buyurur: "Ey insanlar, hidayətiniz üçün lazım olan hər şey sizə göstərildi, bu şərtlə ki, gözlərinizi açasınız. Həmçinin qulaqlarınıza hər şey oxundu, bu şərtlə ki, bu pambığı (maneəni) qulaqlarınızdan çıxarasınız".
Həzrət Əmirəlmöminin (ə) buyurur ki, hidayət yolu insanların üzünə açıqdır və Allah hidayət edən, Quran da hidayət kitabıdır. Buna görə də, dinləmək, düşünmək və Rəbbin kəlamında düşünməkdən alınan nəticəyə əsasən əməl etmək lazımdır. Əlbəttə, hər bilik və elm faydalı deyil. Həqiqətdə, insanı özünə dərk etdirən, dünya həqiqətlərini göstərən elm insana faydalıdır.
* Nəhcül-Bəlağə üzrə alim və tədqiqatçı Seyyid Həmid Xoinin sözlərindən götürülmüşdür.
