İsrail Qəzzanı susuz qoyaraq epidemiya xəstəliyinə səbəb olur

İQNA - Fələstin prezidenti Mahmud Abbas bildirib ki, İsrail oktyabrın 7-dən bəri hücum etdiyi Qəzza zolağının "qəsdən susuzlaşdırılması" ilə epidemiyaya səbəb olub.

Fələstinin rəsmi xəbər agentliyi WAFA Fələstin prezidenti Abbasın Ümumdünya Su Günü münasibətilə verdiyi açıqlamaya yer verib.

Bu il Ümumdünya Su Günündə Qəzzada Fələstin xalqı işğalın dünyanın indiyədək görmədiyi ən iyrənc qeyri-insani cinayətlərinə məruz qalır, - Abbas deyib. O xatırladıb ki, İsrail minlərlə dinc sakini, əksəriyyəti uşaq, qadın və qocanı öldürüb.

Qəzzada Fələstin xalqının İsrailin bombardmanları altında su tapmaq üçün saatlarla növbə çəkdiyinə diqqət çəkən Abbas, "Kanalizasiya sistemini sıradan çıxaran və çirkab sularını daşdıran İsrail Qəzzanı qəsdən susuz qoyub, epidemiyaya səbəb olur" dedi.

Abbas İsrailin hücumları ilə Qəzzada su və təmizləmə sistemlərini qəsdən məhv etdiyini, Qəzzada yaşayan insanların Ümumdünya Səhiyyə Təşkilatının tövsiyə etdiyi su həddinin 2,5 faizinə, sağ qalma səviyyəsinin isə yüzdə 20-nə çata bildiyini qeyd edib.

TRT