Dawowar harkokin watan Ramadan na musamman a kasashen Larabawa
Kamfanin dillancin labarai na Anadolu ya ruwaito cewa yayin da musulmi ke shirin tarbar watan azumin Ramadan, kasashen larabawa Larabawa sun yanke shawarar rage takunkumi kan yaduwar cutar korona bayan wasu yanayi na musamman a cikin shekaru biyu da suka gabata.
Sakamakon cutar korona ya sa watan Ramadan na 2020 da 2021 an gudanar da bukukuwa na musamman a kasashen Larabawa a cikin wani yanayi na kulle da kuma takaita zirga-zirga.
Sai dai ana sa ran lamarin zai sha bamban a wannan watan na Ramadan, domin an ba wa musulmi a kasashen Larabawa damar gudanar da bukukuwan da aka saba yi a shekarun baya kafin barkewar annobar Corona.
Ana sa ran za'a dawo da i'itikafi, ibadar dare, sallar tarawihi, tarurruka na musamman na watan Ramadan a masallatai, buda baki a tituna da sauran cibiyoyi masu alaka da sauran bukukuwan da suka shafi wannan wata mai alfarma a wasu kasashen Larabawa.
A cikin 'yan watannin da suka gabata, yawancin kasashen Larabawa sun ga koma baya da yawan mace-mace na coronavirus, wanda aka samu saukinsa sakamakon daukar matakan rigakafi.
